Hallo, eis léif Schüler!

Wat ass "Nohëllefschoul ODG" an "Projet CASA"?

​

Nohëllefschoul ODG  ass eng Schoul, déi als Zilsetzung huet, Kanner an Erwuessenen schoulesche Bäistand ze leeschten. D'Ofkierzung "ODG" bedeit op lëtzebuergescher Sprooch "Op De Gaas". Vill Kanner verléieren un Selbstsécherheet an -vertrauen, dohier hunn mir eiser Nohëllefschoul ee Numm ginn, deen d'Kanner opmontere soll. Eise Nohëllefsdéngscht spezialiséiert sech zilorientéiert op déi Schüler, déi eng intensiv Léierbetreiung brauchen, fir schoulesch virunzekommen. Vill Kanner a Schüler hunn et net einfach an der Schoul, op aus perséinleche oder schoulesche Grënn. Dohier ënnerstëtze mir genau déi Schüler, fir dat Sie nees zeréckfannen an hier Schoulzukunft weider verfollegen kënnen.

 

Eis Nohëllefschoul ODG schafft niewebäi erwäänt mat anere Gemengen a schoulesch Déngschter zesummen. Iwwert ganz Lëtzebuerg verdeelt ënnerstëtzt eise Team Schüler an alle Regiounen an ass national ënnerwee - ënner anerem hunn mir vill Projeten mat vill Kanner - an Jugendheemer (Foyer).

​

De Projet CASA ass ee Projet vun eiser Nohëllefschoul ODG. D'Buschtawen vum Numm "CASA" bedeiten:

​

• "CA" : Cours d'appui

• "S" : Sensibiliséierungskueren

• "A" : Aktivitéiten an Analysen

​​

De Projet CASA bitt zudeem och weider Servicer un, un deenen sech all Altersgruppen wéi Kanner, Schüler, Erwuessener, Elterendeeler souwéi Senioren bedeelege kënnen. 

​

Mir bidden un:

​

• Nohëllefs- an Begleetskueren (Cours d’appui)

• Sensibiliséierungskueren iwwert Themen, wéi: Angscht virun der Prüfung iwwerwannen, nei Léiermethoden entdecken, asw.

• Kueren mat Senioren - Senioren hëllefen Schüler!

• Léierräich a bildend Aktivitéiten mat de Kanner ausserhalb vun der Schoulzäit, besonnescht an Schoulvakanzen (Bastelen, Outdoor, asw.)

• Motivatiounscoaching fir Kanner, wou et un Motivatioun feelt

• Eenzelkueren fir Schüler mat Beanträchtegung

• Reegelméisseg Analysen vun den Entwécklungen vu Kompetenzen vun de Schüler

• Reegelméissege Kontakt mat den Elteren fir een Austausch

• Gratis Service: Ausléine vu Bicher, fräit Printen vu Blieder asw.

​

​